FOTO nga aksidenti i rëndë ku humbën jetën dy turistët polakë! Shoqërohet drejtuesi i mjetit, makinën e kishte marrë me qira

Këto janë pamjet e aksidentit të rëndë që i mori jetën dy turistëve polak në aksin Shkodër-Lezhë.

Dy polakët, e identifikuar si Marta Makovski 42 vjeçe dhe Voldimir Makovski 45 vjeç, po udhëtonin me motor kur janë përplasur me një makinë.

Turistët mësohet se humbën jetë si pasojë e aksidentit, ndërsa motori, siç duket nga pamjet, është shkatërruar nga përplasja. Ndërsa këpucët e një prej viktimave shihen në asfalt.

Drejtuesi i automjetit, David Gjonaj raportohet se ishte nga Puka dhe kishte marrë makinën me qira.

27 vjeçari nuk ka marrë lëndime nga aksidenti dhe është shoqëruar në Komisariatin e Shkodrës..

Informacioni i policisë

Rreth orës 11:20, në rrugën nacionale Shkodër – Lezhë, në vendin e quajtur “Kryebushat”, një automjet tip “Volkswagen”, me drejtues shtetasin D. Gj., 27 vjeç, është përplasur me një motomjet, në të cilin udhëtonin 2 shtetas të huaj polakë (turistë).

Si pasojë e përplasjes kanë ndërruar jetë drejtuesi i motomjetit, shtetasi W. M., 45 vjeç dhe pasagjerja në motomjet, shtetasja M. M., 42 vjeçe.

Drejtuesi i automjetit, shtetasi D. Gj., është shoqëruar në Komisariatin e Policisë Shkodër, për veprime të mëtejshme procedurale. Nga kryerja e alkool-testit ndaj drejtuesit të automjetit, shtetasit D. Gj., ka rezultuar se nuk kishte konsumuar alkool.

Grupi hetimor ndodhet në vendngjarje dhe po kryhen veprimet për sqarimin e rrethanave të aksidentit.