FOTO/ Përplasja e frikshme e “Benzit” me kamionin në Lushnje

Një aksident i rëndë ka ndodhur natën e shkuar në Lushnje, ku një kamion është përplasur me një mjet tip Benz, duke pësuar shkatërrime të mëdha.

Mjeti i vogël drejtohej nga një 34 vjeçar me iniciale D.L, i cili ka goditur kamionin nga pas.

Goditja ka qenë aq e fortë, sa të dyja mjetet kanë pësuar shkatërrime të mëdha.

Përveç makinës, edhe kamioni i ngarkuar me bimë medicinale është përmbysur në rrugë.

Është dashur ndërhyrja e forcave zjarrfikëse ato që kanë bërë të mundur nxjerrjen e shoferit nga mjeti.

Aktualisht, drejtuesi i Benzit ndodhet në spitalin e Lushnjës në gjendje të rëndë shëndetësore.

Paraprakisht thuhet se shkak i përplasjes ka qenë udhëtimi me shpejtësi i Benzit, ndërsa dyshohet se shoferi nuk e ka parë kamionin.

I plagosur ka mbetur edhe drejtuesi i mjetit të tonazhit të rëndë, por pa rrezik për jetën.