FOTO/ Babë e bir, Roland dhe Elidon Hoxha që humbën jetë nga shpërthimi në Lushnje

Kontakti i një vinçi me tensionin e lartë ka shkaktuar një shpërthim të fuqishëm në një magazinë në zonën e Lushnjës, duke lënë pas dy të vdekur dhe shtatë të plagosur, përfshirë deputetin e Partisë Socialiste, Bujar Çela.

Vinçi që po kryente punime ku ka rënë në kontakt me tensionin e lartë 20 mijë volt dhe për këtë shkak ka ndodhur edhe shpërthimi i fuqishëm, nga ku ka humbur jetën manovratori i vinçit, shtetasi Landi Verçani si dhe djali i tij, 20-vjeçar.

Shpërthim ndodhi rreth dje orës 15:30 në vendin e quajtur “Rrethrrotullimi i Plasmasit”, në një kapanon në ndërtim në qytet dhe shkak u bë një incident, teksa një vinç që po punonte në magazinë preku telat e tensionit të lartë.

Si pasojë e shpërthimit viktimë kanë mbetur babë e bir, Roland dhe Elidion Hoxha 51 e 24 vjeç ndërsa 7 të tjerë u plagosën, përfshirë edhe deputetin Bujar Çela i cili i është nënshtruar një operacioni. Ky i fundit dhe Sokol Lumi po marrin trajtimin mjekësor te spitali i Traumës në Tiranë, ndërsa 5 të tjerët patën lëndime më të lehta dhe morën ndihmë mjekësore në spitalin e Lushnjës.

Bilanci i shpërthimit në Lushnje:

Të vdekur
Roland Hoxha
Elidon Hoxha

Të plagosurit
1- Sajmir Korreshi
2- Sokol Lumi (në gjendje të rëndë te spitali i Traumës
3- Bujar Çela (deputet i PS) në operacion te spitali i Traumës
4- Ervis Sharka
5- Lunedi Golemi
6- Ilia Sota
7-Erigjet Gorovelli

Mbetet i paqartë shkaku i këtij incidenti gjatë që përfundoi në tragjedi për familjen Hoxha, por përmasat mund të ishin më të rënda, nisur nga pasojat.

Në videon e shpërthimit pas kontaktit të vinçit me linjën e tensionit të lartë, shfaqen objekte me presion të lartë në flakë ku dyshohet se mund të ketë pasur bombola oksigjeni në këto ambiente pune që kanë nxitur shpërthimin e fuqishëm. Me kërkesë të organeve hetimore që po kryejnë ekspertizat e nevojshme, OSHEE stakoi energjinë elektrike të linjës 35kV Plasmas-Hysgjokaj për disa orë duke lënë për disa orë pa drita njësitë administrative, Hysgjokaj, Karbunarë e Vogël dhe Ballagat