Francë/ Pak orë para ceremonisë së hapjes së Lojërave Olimpike, i vihet zjarri hekurudhave

Pak orë para hapjes së ceremonisë së Lojërave Olimpike është vënë zjarr në rrjetet hekurudhore në Francë, duke sjellë ndërprerje në shumë prej linjave hekurudhore më të ngarkuara të vendit.

Operatori shtetëror hekurudhor, SNCF, tha se zjarrvënësit kishin shënjestruar flakët përgjatë linjave që lidhin Parisin me perëndimin, veriun dhe lindjen e vendit dhe se trafiku do të ndërpritet në të gjithë vendin gjatë fundjavës.

“Ky është sulm masiv në një shkallë të gjerë për të paralizuar rrjetin TGV”, tha operatori shtetëror hekurudhor, SNCF.

Presidenti i SNCF-së tha se të paktën 800 mijë udhëtarë janë prekur nga kjo situatë kaotike. Më pas shtoi se rrjeti hekurudhor ishte përgatitur për Lojërat Olimpike.