Futbollisti i Kombëtares ‘shpërthen’ kundër Erion Braçes: Ka harruar shqiptarët

Në një reagim në rrjetet sociale, mesfushori i Teutës, shprehet i revoltuar ndaj Erion Braçes i cili ka harruar shqiptarët e prekur nga tërmeti por merret me pikët dhe situatën delikate që po kalon klubi i Partizanit.

Kallaku shpreh mbështetjen e tij në këto ditë të vështira për miqtë e tij në Bupq por edhe në të gjithë Shqipërinë.

“Këto ditë nuk kemi qenë të qetë në fushë. Në çdo hap, në çdo pasim, në çdo goditje topi, mendja dhe zemra kanë qenë te miqtë e mij në Bubq, që tërmeti i 26 nëntorit i la pa shtëpi. Po kur shikoj zëvendës kryeministrin e vendit tim që në këto kohë të dhimbshme gjen kohë të merret me “padrejtësitë” e me pikët e Partizanit, e ndjej dyfish më shumë dhimbjen, jo vetëm për miqtë e mij në Bubq, por për të gjithë shqiptarët”, ka shkruar Sherif Kallaku në Instagramin e tij.

Kujtojmë që në mesjavë Teuta mposhti 1-0 skuadrën e Partizanit ku pati shumë kontestime për gjykimin e arbitrit.

Tërmeti i fuqishëm i 26 nëntori shkaktoi 51 viktima dhe me qindra të tjerë mbetën të plagosur dhe në qiell të hapur pasi shtëpitë u shkatërruan nga lëkundjet e tokës.