Gabimi fatal i Merkel me Rusinë

Putini është më i rrezikshëm se kurrë dhe Gjermania mban një përgjegjësi të madhe për këtë.

Vite më parë, kreu i Kremlinit deklaroi se e konsideronte shembjen e Bashkimit Sovjetik si ‘katastrofën më të madhe gjeopolitike të shekullit’. Ishte e qartë se çfarë donte të thoshte me këtë: ai kërkonte hakmarrje ndaj kundërshtarëve të diktaturës sovjetike. NATO-s, Perëndimit të lirë, Evropës!

Në vend që ta merrte seriozisht diktatorin, qeveria federale e la atë të shpëtonte nga çdo krim. Edhe pasi avioni MH17 u rrëzua me 300 viktima.

Këto gabime të ish-kancelares Angela Merkel dhe ministrit të saj të jashtëm, Frank-Walter Steinmeier tani po rikthehen si hakmarrje. Me pushtimin rus të Ukrainës, një gjë është e qartë; kontinenti ynë- dhe Gjermania gjithashtu- janë në rrezik më të madh se ç’kanë qenë para 30 vitesh. Sepse Putini mund ta shohë Ukrainën vetëm si një hap të ndërmjetëm.

Gjithçka që ishte lënë pas dore në mënyrë kriminale duhet të ndodhë tani: banda e oligarkëve të Putinit nuk duhet lejuar më të hyjë në vend, llogaritë e tyre duhen ngrirë, pasuritë e tyre të paluajtshme duhet të konfiskohen. Nord Stream 2 duhet të varroset.

Një herë e përgjithmonë!