Gazetarja investigative, Alisa Mysliu është vlerësuar me çmimin e parë nga Bashkimi Europian për Gazetarinë Investigative për vitin 2016.

Çmimi i dytë dhe i tretë shkuan për gazetarët Artan Rama dhe Elvis Nabolli.

Mysliu është vlerësuar me këtë çmim për kronikën investigative për sigurinë ushqimore.

Investigimi i përgatitur nga Mysliu dhe i publikuar ne “Fiks Fare” zbuloi importin me pulat e skartuara, që hynin në vendin tonë duke u falsifikuar certifikata e origjinës (mosha e pulës).
Pulat e skartimit janë një produkt i ndaluar dhe sot në vendin tonë që prej vitit 2005 pas epidemisë së gripit të shpendëve.

Kronika e përgatitur nga Alisia Mysliu solli në vëmendje në vitin 2016, problematikën e importimit të mishit pa kriter si dhe mungesën e kontrollit nga Autoriteti Kombëtar i Ushqimit.
Pulat me moshë 17 muajshe kalonin në Kakavijë si pula 1 muajshe.

Pulat e importuara pasi kalonin në Shqipëri shiteshin në pikat e shitjes.
Investigimi hapi një valë të gjerë debati në publik, ku kreu i shërbimit kufitar në Kakavije dhe disa inspektorë u shkarkuan nga detyra.