Sekretari i Përgjithshëm i PD, Gazmend Bardhi thotë se me marrëveshjen që firmosën sot me LSI-në, do t’ju rikthejnë shpresën shqiptarëve.
Bardhi ndan foto nga momenti i firmosjes së marrëveshjes dhe shkruan se “Edi Ramës i ka ardhur fundi”.
“Edi Ramën e ka kapur paniku, sepse ka kuptuar që sot ka nisur fundi i tij. Rama e kupton që më 25 prill do të shkojë në shtëpi.
Ne u bashkuam që të sigurojmë ndryshimin në Shqipëri dhe atë ndryshim do ta sjellim ne: shpresa të reja për të gjithë dhe plane serioze pune në të gjitha fushat, ku Rama ka dështuar për 8 vjet me radhë: ekonomi, shëndetësi, arsim, emigrim, infrastrukturë.
Kohës së Edi Ramës i ka ardhur fundi. Ka ardhur çasti të ndryshojmë”, shkruan Bardhi.
