Gjykata dënon ish-kryebashkiakun e Hasit për shpërdorim detyre

Gjykata kundër Korrupsionit dhe Krimit të Organizuar ka shpallur fajtor ish kreun e Bashkisë Has, Adem Lala. Ai u dënua me 1 vit burg por nuk do kryejë dënimin në qeli.

Gjithashtu është vendosur edhe që Adem Lala të mos kryejë funksione për 5 vjet.

Lala u shpall fajtor për ‘shpërdorim detyre’, por dënimi i është konvertuar në shërbim prove.

Në aplikim të nenit 406 të K.Pr.Penale, dënimin e të pandehurit Adem Lala me 8 muaj burgim.

Në aplikim të nenit 59 të Kodit Penal, pezullimin e ekzekutimit të dënimit me burgim dhe vënien në provë të këtij të pandehuri për një vit e 4 muaj.

Lala urdhërohet të mbajë kontakte me shërbimin e provës, Zyra Vendore Kukës dhe të vihet në provë, me kusht që gjatë kohës së provës të mos kryejë vepër tjetër penale.

Po kështu si dënim plotësues, i hiqet e drejta për të ushtruar funksione publike për një periudhë prej 5 vitesh.

Lala ishte një nga njerëzit e zgjedhur nga Edi Rama për të qenë pjesë e listës së kandidatëve në Kukës. Por pas këtij vendimi ai hiqet nga lista.