Gjykata e Apelit të Posaçëm rrëzon kërkesën e Veliajt për heqjen e sekuestros së celularit

Gjykata e Apelit të Posaçëm ka rrëzuar ankimimin e bërë nga kryebashkiaku Erion Veliaj për kthimin e celularit që iu sekuestrua në momentin e arrestimit në zyrën e tij të punës.

Dje GJKKO rrëzoi kërkesën e Veliajt dhe Elman Abules për zëvendësim mase sigurie. Veliaj po hetohet për korrupsion e pastrim parash bashkë me bashkëshorten Ajola Xoxa dhe 6 biznesmenë.

Njoftimi

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari EngertPëllumbi, sot më 24.04.2025, shpalli vendimin mbi çështjen penale nr. 107, datë 18.04.2025regjistrimi, regjistruar mbi ankimin e ankuesit E.V., me objekt: “Ankim ndaj vendimit nr. 132 akti, datë 04.03.2025 të Gjykatës së Posaçme të Shkallës së Parë për Korrupsionin dhe Krimin e Organizuar, për kundërshtimin e vendimit të prokurorit për vleftësimin e sekuestros”, dhe vendosi:

• Miratimin e vendimit nr. 132 Akti, datë 04.03.2025 të Gjykatës së Posaçme të Shkallës së Parë për Korrupsionin e Krimin e Organizuar.