Grabitet argjendaria e njohur në Shkodër, autori përplas makinën në qepen për të hyrë brenda

Një argjendari e njohur tek zona e dollarit në qytetin e Shkodrës është grabitur në orët e para të mëngjesit të së shtunës.
Ngjarja ka ndodhur rreth orës 3:50, ndërkohë që autori i ngjarjes ka arritur të vjedhë rreth 300-400 mijë lekë të reja mall, në një proces që nuk ka zgjatur më shumë se 10 minuta. Ai ka përplasur me makinën qepenin e dyqanit dhe më pas ka thyer xhamat për të hyrë brenda. Ndonëse sinjali i alarmit është aktivizuar, policia nuk ka arritur ta gjejë autorin, por ka mundur të gjejë dhe sekuestrojë vetëm makinën e tij.