Greqi/Greku i detyrohej Topallit 30 mijë euro, nuk ia kthente borxhin dhe e eliminoi

Biznesmeni shqiptar në Greqi Xhani Topalli rezultonte i zhdukur që prej datës 28 gusht, kur pati një takim me hotelierin 53-vjeçar nga Kallithea, për t’i shlyer detyrimet sipas një marrëveshjeje që kishin lidhur, ndërsa është gjetur i vdekur.

Trupi i pajetë i shqiptarit u gjet pas një telefonate të biznesmenit 53-vjeçar që merrej me hotele i cili ka deklaruar se është edhe autori i ngjarjes. Mësohet se vrasja ka ndodhur për larje hesapesh, pasi pronari i hoteli nuk e kishte paguar shqiptarin për punën që viktima kishte bërë në hotelin e tij.

46-vjeçari shqiptar kishte caktuar një takim me pronarin e hotelit mbrëmjen e 28 gushtit dhe po përpiqej që t’i merrte një borxh prej 30 mijë euro biznesmenit grek, i cili e kishte kontraktuar për një punë. Kujtojmë se shqiptari ishte sipërmarrës ndërtimi, ndërsa greku pronar hoteli i detyrohej shqiptarit 30 mijë euro.