Por, përgjatë turit të saj disa ditor, ambasadorja ka eksploruar me skaf plazhin e Dhërmiut e shoqëruar nga disa persona.
Genc Sejko, i cili njihet si njeriu i memeve, ka publikuar këtë foto, ku mes personave që e shoqërojnë Kim, njëri prej tyre duket si Blendi Fevziu.
Ndërkaq kujtojmë se dje Kim dhe Fevziu kanë publikuar foto të shkrepura nga i njëjti vend, një tjetër provë që ka ngjallur dyshime dhe reagime në rrjet se Fevziu ka qenë një ndër personat që e ka udhëhequr ambasadoren në këtë guidë disa ditore.
Lidhur me këto foto që po qarkullojnë në rrjet, ka reaguar edhe gazetari Klodian Tomorri, i cili kujton se Kushtetuta e Shteteve të Bashkuara ndalon çdo zyrtar apo punonjës të qeverise federale të pranojnë dhurata nga qeveritë e vendeve të tjera pa marrë më parë miratimin e Kongresit. Ndërkaq me ironi shkruan se kush do ta ketë paguar karburantin e udhëtimit me skaf.
“Leksione nga SHBA Kushtetuta e Shteteve të Bashkuara ndalon çdo zyrtar apo punonjës të qeverisë federale të pranojnë dhurata nga qeveritë e vendeve të tjera pa marrë më parë miratimin e Kongresit.
Kodi i Rregullores Federale (seksioni 5) detyron cdo punonjes te Departamentit te Shtetit, te refuzoje cdo dhurate me vlere mbi 20 dollare qe vjen nga rezidentet e huaj private.
Kodi Penal i Shteteve të Bashkuara, seksioni 201, sanksionon shprehimisht se kushdo që thyen rregullat e mesipërme mund të dënohet deri në 15 vjet heqje lirie dhe humb përfundimisht të drejtën të punojë në sektorin publik.
Lind pyetja, kush e pagoi karburantin? This is a miracle of freedom”, shkruan Tomorri.
