Higuain: Ne nuk jemi robotë

Nuk ishte nata më e mirë për argjentinasin, pasi njëherë iu pritë penalltia nga Wojciech Szczęsny, dhe pastaj është ndëshkuar me karton të kuq pas reagimit të tij ndaj gjyqtarit kryesor.

“Më duhet t’iu kërkojë falje bashkëlojtarëve të mi, trajnerit dhe tifozëve po ashtu edhe gjyqtarit, i cili e di se çfarë i kam thënë. Gjithashtu gjyqtarët duhet të kuptojnë emocionet tona”, ka thënë Higuain pas ndeshjes.

“Reagova në atë mënyrë, nuk është dashur ta bëj, kështu që kërkoj falje”.

“E di që nuk është një shembull i mirë për fëmijët, por ne nuk jemi robotë”.