S’kam konflike me asnjeri!

Në orën 03:00 të mëngjesit të sotëm shtetasit Renato Torollari i dogjën furgonin e firmës “Morava 93” që kryen transport udhëtarësh me bazë qytetin e Korçës.

Ngjarja ndodhi në lagjen numër 17 dhe u raportua në polici, teksa kjo e fundit konstatoi se ngjarja është e qëllimshme.

Pronari i frugonit është prononcuar për mediat, teksa mohon të ketë konflikte me njeri, ndërsa shprehet se zjarrvënia ka ndodhur prej konkurrencës.

“Siç e shikoni dhe vetë i kanë vënë zjarrin autobusit dhe e gjithë kjo si pasojë e konkurrencës së punës. Linja Korçë-Poogradec, Korçë-Sarandë dhe Korçë-Gjirokastër. Nuk bëhet më si mjet. Me persona të tjerë s’kam probleme, me askënd, thjesht konkurrenca”, thotë pronari i furgonit.