I riu që sh*rroi Kryeministrinë do paguajë gjobë dhe sekuestro të mjeteve/mallrave që kanë shërbyer për kryerjen e kundravajtjes

Kryebashkiaku i Tiranës, Erjon Veliaj, njoftoi sot gjobitjen me 20 mijë lekë të PD-së, pasi një protestues urinoi në derën kryesore të godinës qeveritare.

Mënyra sesi protestuesi shprehu zemërimin e tij ndaj qeverisë dhe kryeministrit Edi Rama është kthyer në virale në rrjet, ndërsa Veliaj e ka parë si një mënyrë për të vendosur një masë administrative apo gjobë.

Madje në fletën e gjobës, Lali Eri i referohet edhe nenit përkatës në vendimin e Këshillit Bashkiak për masat administrative.

Kështu në nenin 14, përveç masës administrative që Lali Eri vendosi prej 20 mijë lekësh, i duhet të sekuestrojë edhe mjetet/mallrat që kanë shërbyer për kryerjen e kundravajtjes administrative.

Në rastin konkret nuk dihet se çfarë do t’i sekuestrojë Lali personit në fjalë. A do t’ia arrijë kryebashkiaku t’a zbatojë me rigorozitet ligjin që i referohet? Mbetet për t’u parë, ndoshta në fillim i duhet të identifikojë personin…