Identifikohet viktima e aksidentit në aksin Mamurras-Laç

Mëngjesin e sotëm në aksin Mamurras-Laç, u regjistrua një aksident tragjik. Pranë fshatit Gjorem, një mjet humbi kontrollin, doli nga rruga dhe përfundoi jashtë saj. Nga ngjarja, mbeti i vdekur shoferi dhe u plagos pasagjeri.

Mësohet se viktima është identifikuar si Alban Miloti, teksa i plagosuri është Elvis Doçi i cili është dërguar drejt Tiranës për ndihmë më të specializuar. Policia ndodhet në vendin e ngjarjes dhe po punon për të zbardhur shkaqet e aksidentit.