Ish-polici u vra në sy të bashkëshortes

U ekzekutua me 6 plumba ish-polici, Sokol Çelaj.

Sic shihet edhe në video, makina ku po udhëtonte 58 vjeçari pas atentatit është devijuar, duke përfunduar në një pjesë malore të rrugës.

Ndërsa në xhamin e përparmë të mjetit tip ML kanë mbetur shenjat e plumbave.

Viktima Sokol Çelaj po kthehej në banesën e tij në fshatin Reç të Malësisë së Madhe kur atentatori i ka prerë rrugën dhe ka qëlluar me breshëri kallashnikovi në drejtim të tij.

Vrasësi e ka qëlluar ish policin me 6 plumba, një prej të çilëve e ka prekur në pjesën e sipërme të brinje, afër zemrës. Ai është dërguar në spital, por nuk ka arritur që t’i mbijetojë plagëve të marra.

Ndërkohë autori i ngjarjes, është larguar në këmbë mes kodrave dhe maleve të asaj zone.

Viktima jetonte në Angli ishte kthyer në Shqipëri për pushime më 18 gusht. Gjithashtu ai po riparonte banesën e tij në fshatin Reç.

Mësohet se Sokol Çela ka punuar si polic dhe në vitin 1989 ka vrarë një shtetas me armën e shërbimit.

Ai është akuzuar për vrasje nga pakujdesia dhe ka bërë 6 vite burg. Pas mbarimit të dënimit është larguar në drejtim të Britanisë së Madhe, ku jetonte prej 25 vitesh.