Një nga emrat më të njohur në Shqipëri për kamerat e fshehta, Ismet Drishti, ka realizuar një tjetër video në rrugët e Tiranës, ku shihet duke shëtitur me gomarin e tij.
Drishti vendosi që të shkonte për shëtitje së bashku me gomarin e tij nga parku i liqenit artificial, por aty janë përplasur me policinë, të cilët nuk i kanë lejuar.
Efektivët e policisë i thanë që hyrja për te parku i liqenit është e ndaluar, por Drishti nuk hoqi dorë, duke iu thënë se policët ishin pa mjet identifikimi si punonjës të policisë.
Në një moment njëri nga policët i tha se do e shoqëronte, por Drishti reagoi dhe i tha të mos e prekte me dorë, ndërsa gjakrat u nxehën edhe më shumë.
Vetëm kur erdhi një efektiv police me mjete identifikimi, atëherë Drishti u qetësua, ndërsa i tha policëve se gomari ishte kafsha e tij shoqëruese, ashtu siç të tjerët përdorin qen, mace, peshk…
