Itali/ 28 vjeçari shqiptar vret veten në burg ditën e arrestimit

Një 28-vjeçar shqiptar ka vrarë veten në burgun Forli, Itali. Sipas mediave italiane shtetasi shqiptar i cili ishte i pastrehë ka varur veten në qelinë e burgut ditën që ai ishte arrestuar pasi i duhej të vuante një dënim me 2 vjet burg.

Vrasja e shqiptarit ka tronditur autoritetet italiane pasi kjo është vetëvrasja e shtatë në Emilia-Romagna në vitin 2022 dhe e gjashtëdhjetë e dyta në vend. Përgjegjësi rajonal për të burgosurit , Roberto Cavalieri tha për mediat:

Përballë tragjedive si këto, duhet të reagojmë me të gjitha mjetet e mundshme, të përpiqemi t’i kundërvihemi një fenomeni gjithnjë e më serioz dhe kërcënues. Edhe administratat vendore ku ndodhen burgjet duhet të kontribuojnë në luftën kundër fenomenit vetëvrasës të të burgosurve, duke caktuar gardianë aty ku ende mungojnë.