Jep dorëheqjen nënkryetari i Bashkisë Vlorë

Situata politike në Bashkinë e Vlorës vijon të jetë e tensionuar. Ditën e sotme, nënkryetari i bashkisë, Elis Halili, ka dorëzuar zyrtarisht dorëheqjen nga posti.

Halili ishte bërë pjesë e drejtimit të institucionit edhe në cilësinë e kryetarit të bashkisë së komanduar për rreth dy muaj, pas largimit të Ermal Dredhës.

Pas zgjedhjeve të fundit vendore, ku Brunilda Mersini u zgjodh kryetare e re e Bashkisë Vlorë, Halili ka vendosur të largohet edhe nga funksioni i nënkryetarit, duke mbyllur kështu angazhimin e tij në strukturat drejtuese të bashkisë.