Joe Biden mendon t’i besojë postin strategjik Hillary Clinton
Fituesi i zgjedhjeve presidenciale të Shteteve të Bashkuara të Amerikës, Joe Biden po mendon të rikthejë në skenën e politikës amerikane një emër tepër të njohur.
Bëhet fjalë për Hillary Clinton, ish-sekretaren e shtetit që tashmë mund ta shikojmë në një post tepër strategjik.
Ekipi i Biden thuhet se po e konsideron emrin e Clinton për ta emëruar si ambasadore të administratës së tij në Kombet e Bashkuara.
Sipas asaj që raportojnë mediat amerikane, lajmi për emërimin e mundshëm të Clinton erdhën, ndërsa Biden po përpiqet të ndryshojë perceptimet e udhëheqësve botërorë për SHBA-në në marrëdhëniet e jashtme.
Ish zonja e parë e SHBA-së është një emër i rëndësishëm në Partinë Demokrate, ku 4 vite më parë ishte edhe e zgjedhura për presidente, por humbi në zgjedhjet përballë Donald Trump.
Keni një histori? Denonco anonimisht, identiteti juaj mbrohet.
Denonco
