Kadri Veseli zotohet publikisht: Votat e PDK’se janë pro demarkacionit
Kreu i Kuvendit, Kadri Veseli, është shprehur i kënaqur pasi Qeveria miratoi vendimin për të çuar në Kuvend marrëveshjen e Demarkacionit për ratifikim. Ai ka bërë të ditur se votat e Partisë Demokatike të Kosovës do të jenë pro.
“Përshëndes vendimin e Qeverisë për ta sjellë në Kuvend Projektligjin për Ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi”, ka shkruar Veseli në Facebook.
Ai ka thënë se qëndrimi i partisë së tij është i qartë dhe se deputetët e PDK’së do ta votojnë marrëveshjen e demarkacionit.
“Marrëveshja duhet të kalojë dhe vota jonë është “pro”, siç e kemi thënë në vazhdimësi”, është shprehur ai.
“Izolimi i qytetarëve tanë duhet të marrë fund. Presim nga Bashkimi Evropian liberalizimin e vizave”.
Keni një histori? Denonco anonimisht, identiteti juaj mbrohet.
Denonco
