Kafshët bëjnë masakër mbi kuajt!

Mentor Kikia

Kali nuk është thjesht një kafshë – ai është një qenie e mrekullueshme, inteligjente, e dashur, e përulur dhe e përkushtuar.

Por “kafshë” me dy këmbë, të pajisura me armë dhe të afta vetëm për të shkatërruar, kanë kryer një masakër në pyllin e Llogarasë: të paktën 7 kuaj e mushka janë vrarë, ndërsa disa të tjerë janë plagosur dhe lënë të braktisur në pyll, ku jetonin të lirë.

Sipas policisë, shkak mund të jetë konkurrenca mes guidave turistike që ofrohen në Karaburun e Llogara me kuaj dhe mushka.

Nuk ka fjalë të mjaftueshme për të mallkuar ato duar që kanë shkrehur armët kundër këtyre krijesave të pafajshme.