Kamioni përplas këmbësoren, ambulanca mbërrin pas 40 minutash

Një aksident i rëndë ka ndodhur sot në zonën e Kombinatit, ku një këmbësor është përplasur nga një kamion në rrethana ende të paqarta.

Sipas dëshmitarëve nga vendi i ngjarjes, momenti ka qenë dramatik dhe kalimtarët janë përpjekur t’i japin ndihmën e parë të plagosurit, ndërsa kanë telefonuar menjëherë shërbimet emergjente. Megjithatë, ambulanca ka mbërritur me vonesë të konsiderueshme – rreth 40 minuta pas incidentit – duke shtuar indinjatën dhe shqetësimin e qytetarëve për reagimin e ngadaltë të shërbimeve mjekësore.

Policia ndodhet në vendngjarje dhe po heton për të zbardhur shkaqet e aksidentit, si dhe për të përcaktuar përgjegjësitë. Gjendja shëndetësore e këmbësorit ende nuk është bërë e ditur.

Ngjarja ka rikthyer edhe një herë debatin mbi sigurinë rrugore dhe kohën e reagimit të emergjencave në Tiranë.