I dënuar me burgim të përjetshëm për vrasjen e Elton Çiços në zonën e ish-Bllokut

47-vjeçari fshihej në Athinë, sipas policisë. Interpol Tirana, në koordinim me Interpol Athinën, po vijon procedurat për ekstradimin e tij drejt Shqipërisë.

Jani Alia u dënua në mungesë me burgim të përjetshëm, për vrasjen e Elton Çiços në zonën e ish-bllokut në Tiranë më 1 maj 2016. Ndaj tij, ka edhe një masë arresti me burg dhënë nga Gjykata e Përmetit, për veprat penale “Prodhimi dhe shitja e narkotikëve”, “Vrasja me dashje në lidhje me një krim tjetër, mbetur në tentativë” në bashkëpunim dhe “Armëmbajtja pa leje”. Dyshohet se hasmëria mes tyre kishte nisur që në Greqi, ku ndodheshin në të njëjtin burg.