KED i dërgoi një emër Kuvendit, reagon Yuri Kim: Kjo do të thotë se këtë javë do kemi një nga gjyqtaret në Kushtetuese

Përmes një postimi në rrjetet sociale, Yuri Kim ka thënë se këtë javë do të kemi një nga gjyqtarët e nevojshme për funksionimin e Gjykatës Kushtetuese.

Ajo i ka falënderuar të gjithë për ndërmarrjen e masave urgjente për të plotësuar vakancat në GJK.

“Sot, KED përfundoi vlerësimin dhe i dërgoi Parlamentit listën e kandidatëve të kualifikuar për Gjykatën Kushtetuese. Kjo do të thotë se do të keni këtë javë një nga dy gjyqtarët e nevojshëm për funksionimin e GJK. Sapo Presidenca të emërojë gjyqtarin e saj, Gjykata Kushtetuese do të jetë funksionale. Faleminderit të gjithëve për ndërmarrjen e masave urgjente!”,- shkruan Kim.

KED i ka dërguar një emër Kuvendit, atë të Altin Binajt, anëtar për në Gjykatën Kushtetuese. Binaj votohet seancën e së enjtes në parlament. Deri më tani  KED e ka vlerësuar, por nuk e ka pikëzuar kandidaten Sonila Beitja.