“Këta janë armiq, duan t’i marrin karrigen Ramës”, Shehi komenton dhunën ndaj Sahit Dollapit: Ishte i shtrirë në tokë, policia e karikuar nga…

Aleati i PD-së, kryetari i LZHK-së, Dashamir Shehi ka deklaruar sot se qeveria po e trash zullumin dita ditës dhe po vazhdoi kështu situata mund të mos kontrollohet më nga partitë.

Dashamir Shehi ka thënë se ngritja po vijon. “Kjo është ngritja, deri dje protestën e kanë kontrolluar partitë, nesër mund të mos e dëgjojnë më partitë. Këta nuk kuptojnë që po trashet zollumi dhe kur trashet zollumi, ai do këputet”, theksoi Shehi.

Ai ka komentuar dhe dhunën ndaj Sekretarit Organizativ të PD-së, Sahit Dollapi.

Për Shehin dhuna ndaj Dollapit që ishte i shtrirë përtokë ishte e panevojshme dhe se policia sipas tij është karikuar se opozita është armik që do t’i marrë karrigen Edi Ramës.

“Policia nuk ka nevojë të rrahë një person që është i shtrirë. Policinë e kanë karikuar, që këta duan t’i marrin karrigen Edi Ramës. I kanë karikuar këta të shkretët, një pjesë aq dinë, por të tjerëve u thonë bjerini atyre armiqve”, tha Dashamir Shehi.

Ai ka thënë se kjo nuk është forma e duhur e protestës, por sipas tij dita po vjen.

“Kjo nuk është protesta e duhur,  protesta e duhur është që të mbushet komplet Bulevardi dhe Unaza dhe qytetarët të mbyllin dyqanet dhe të dalin në shesh, por po vjen ajo ditë”, tha Shehi.