Klienti grabit dhe hedh nga makina shqiptaren, vajza në koma

ITALI – Një 27-vjeçare shqiptare është shtruar në spital me plagë në kokë dhe këmbë pasi e hodhën nga një makinë në lëvizje. Siç shkruajnë mediat italiane, ngjarja ka ndodhur në Torino ku shqiptarja punonte si prostitutë.

Autoritetet janë vënë në kërkim të autorit të kësaj ngjarje i cili ka udhëtuar me një makinë gri. Sipas asaj që raportojnë mediat, autori pasi e ka marrë në makinë shqiptaren, e ka grabitur dhe pas disa metrash e ka hedhur nga mjeti.

Ka qenë një shofer tjetër, i cili ka dëshmuar të gjithë situatën dhe ka thirrur për ndihmë autoritetet. Kur ka shkuar ambulanca vajza ka qenë e ndërgjegjshme dhe e aftë të tregonte atë që i kishte ndodhur. Po ashtu, mësohet se ajo ka mundur që të japë një përshkrim të autorit para se të futej në koma.