Konflikti në Krujë me Rrajat, mesazhi kërcënues nga administratori i gurores për anëtarin e fisit Maja

Do të takohemi bashkë, do më njohësh

Zbulohen mesazhet e shkëmbyera mes anëtarëve të fisit Maja dhe administratorit të gurores Alfred Karaj, një ditë para sulmit barbar nga Rrajat për qytetarët e Borizanës në Krujë.

Gazetari Igli Çelmeta ka arritur të sigurojë për “BalkanWeb” bisedën e fundit mes Andi Majës, djali i xhaxhait të dy personave të dhunuar Bilbil dhe Jashar Majës, dhe Alfred Karajt, administratorit të gurores. Kjo bisedë ndodhi një ditë para sulmit të tmerrshëm dhe në kontekstin e disa denoncimeve të bëra në policinë lokale dhe protestave të banorëve për shkak të dëmeve të shkaktuara nga shpërthimet me eksploziv në gurore.

Në mesazhet e shkëmbyera, është e qartë kërcënimi dhe paralajmërimi që Alfred Karaj i bënte fisit Maja. Në një prej mesazheve, ai shkruan: “Nuk më vini dot gjobë, do takohemi e do më njihni”, duke treguar agresionin e tij.

Banorët kanë protestuar  para komisariatit në Fushë-Krujë më 2 maj, ku ata denoncuan kërcënimet e tyre  për të mos raportuar dhe denoncuar ngjarjet. Këto pamje tregojnë qartë tensionin dhe frikën që banorët kanë për të marrë masa ligjore ndaj veprave të paligjshme.