Korçë/Grabitet kasaforta me shuma të mëdha parash e një fabrike

Një fabrikë e prodhimit të bojrave në fshatin Dishnicë ka rënë pre e grabitjes gjatë natës duke u gdhirë e dielë. Mësohet se autorët ende të paidentifikuar kanë marrë kasafortën me një shumë të madhe parash brenda.

Më datë 04.03.2018, gjatë natës në afërsi të fshatit Dishnicë, dyshohet se persona ende të paidentifikuar kanë hyrë në ambjentet e brendshme të një fabrikë të prodhimit të bojrave në pronësi të shtetasit A.M, 47 vjeç, banues në Korçë dhe kanë vjedhur një kasafortë brenda së cilës ndodhej një shumë e konsiderueshme lekësh.

Fabrika ruhej me roje private, i cili ka deklaruar se nuk kishte parë njeri, pasi vjedhjen e ka konstatuar rreth orës 08:00 të mëngjesit të sotëm.

Grupi hetimor ndodhet në vendngjarje dhe po punohet për identifikimin, kapjen e autorëve si edhe zbardhjen e rrethanave të ngjarjes.