Kosovë, pamje të arrestimit të ‘gylenistëve’, policia përdori dhunë

Si çdo ditë tjetër, Jusuf Karabina, po udhëtonte për në vendin e punës, në kolegjin Mehmet Akif në Lipjan.

Por ai nuk e kishte idenë se ishte nën vëzhgimin e policisë së Kosovë.

Kjo veturë e policisë e ndalur jo larg vendit të punës po e priste Karabinen.

Në pamjet ekskluzive të siguruara nga T7 shihet momenti kur policia e ndaloi veturën në të cilën karabina ishte bashke me gruan dhe djalin.

Familja Karabina, siç edhe shihet në pamje, i rezistoi arrestimit.

Por, policia i nxori me dhunë.

Jasemina bashkëshortja e Jusuf Karabinës, në pamundësi ta ndal vet arrestimin e burrit, kërkoi ndihmën e qytetarëve.

Por, nuk ia doli.

Policia e arrestoi burrin e saj.

Gruaja e të arrestuarit, Jasemina Karabina ka shpjeguar për televizionin 7 momentin e arrestimit nga vendi i ngjarjes.

Ajo ankohet për sjelljen e vrazhdë të policisë dhe dyshon se ai është kidnapuar nga shërbimi sekret Turk, MIT.

Sjelljet e tilla të policisë e kishin shqetësuar edhe djalin e zv.drejtorit të përgjithshëm të Gylistanit, Talha.

15 vjeçari tregon për T 7 si u sollën policia me të.

Megjithatë, Talha dhe nëna e tij besonin se shteti i Kosovës nuk do t’i dorëzonte të arrestuarit, institucioneve të Turqisë.

Por, shteti i Kosovës të cilit Jasemina i besonte, ia dorëzoi shtetit turk Jusuf Karabinën dhe 5 të tjetër.

Përkundër këtij aksioni të madh, aktiviteti mësimor në shkollat e Mehmet Akif në Kosovë ka vazhduar.

Drejtori i këtij institucioni, shprehet i shqetësuar me arrestimin.

Nga shkollat Mehmet Akif janë arrestuar Jusuf Karabina, Cihan Özkan, Kahraman Demirez, Hasan Hüseyin Günakan, Mustafa Erdem. Bashkë me ta është arrestuar edhe kardiologu Osman Karakaya.

© SYRI.net

Lexo edhe:

• Arrestimi i ‘gylenistëve’, familjarët presin shpejgime nga Kryeministri
• LDK kërkon zgedhje të reja, turqit nuk kishin probleme me ligjin në Kosovë
• Tensionet Kosovë – Serbi, analiza e DW për situaten