KPK konfirmon në detyrë Valentin Preçi, Prokurorin e Tiranës

Komisioni i Pavarur i Kualifikimit ka konfirmuar në detyrë prokurorin e Tiranës, Valentin Preçi.

Vendimi është marrë me shumicë votash nga trupa e KPK-së. Konfirmimi i Preçit erdhi pas përballjes dhe shpjegimeve të tij për gjetjet dhe barrën e provës në kriterin pasuror dhe profesionalizmin gjatë dy seancave dëgjimore më 19 dhjetor 2023 dhe të martën më 9 janar.

KPK e kryesuar nga Firdes Shuli, me relatore Xhensila Pinen dhe anëtar Olsi Komicin vendosi konfirminin e Preçit në detyrë, i cili dhe në seancën e dytë ka kundërshtuar analizën e KPK duke thënë versionin e tij.