KQZ bie në konsensus, miratohen rregullat për identifikim biometrik
Kryekomisionieri i KQZ, Ilirjan Celibashi dhe zv.komisionerja Lealba Pelinku janë dakordësuar me njëri tjetrin përpara Këshillit Rregullator, ku kërkuan votën për të miratuar kriteret teknike se si do të aplikohet teknologjia ne zgjedhje për identifikimin biometrik të votuesve.
“Jemi dakordësuar për të gjitha aspektet që kanë të bëjnë me karakteristikat apo pajisjet për identifikimin biometrik të shtetasve”, tha Celibashi gjatë mbledhjes.
“Kohën politika e ka humbur në lidhje në këtë çështje në kuptim të rregullimit ligjor. Ne përpiqemi që ta fitojmë me angazhim më të dedikuar”, shtoi kryekomisioneri.
Edhe Këshilli Rregullator ra në dakordësi dhe miratoi përdorimin e teknologjisë në zgjedhje, ku në 25 prill të gjithë votuesit do të identifikohen përmes aparaturave elektronike që lexojnë kartat e identitetit.
Përdorimi i teknologjisë në zgjedhje ishte një nga kushtet e opozitës në marrëveshjen e 5 qershorit, ndërkohë që u plotësua me dakordësi të plotë të KQZ dhe Këshillit Rregullator.
Keni një histori? Denonco anonimisht, identiteti juaj mbrohet.
Denonco
