KQZ kërkesë prokurorit të përgjithshëm: Të verifikohet kryetari i bashkisë Divjakë, Fredi Kokoneshi

Kryekomisioni Ilirjan Celibashi i ka dërguar ditën e sotme një shkresë prokurorisë së Përgjithshme për verifikim të thelluar të kryebashkiakut të Divjakës Fredi Kokoneshi.

KQZ thekson se nga verifikimi i dokumenteve të dorëzuara nga Kokoneshi në momentin e kandidimit për kryebashkiak në zgjedhjet lokale të vitit 2019, nuk ka asnjë të dhënë që ka të bëjë me kushtet e ndalimit për këtë kandidaturë.

Më herët, në adresë të Prokurorisë së Përgjithshme mbërriti një tjetër kërkesë për Fredi Kokoneshin.

Grupi Parlamentar i Partisë Demokratike depozitoi kërkesën për verifikimin e figurës së kryebashkiakut socialist.

Kjo pasi sipas grupit të PD, ai rezulton i përfshirë dhe i dënuar për trafik të qenieve njerëzore dhe prostitucion në Itali. Kërkesa është firmosur nga një grup prej 15 deputetësh ku i kërkohet organit të akuzës të ndjekë procedurat sipas ligjit të dekriminalizimit.