Kreu i grupit kriminal, Avdyli, konfirmon në gjyq: Po, i kam shërbyer Vangjush Dakos dhe PS-së!

Vazhdojnë deklaratat e forta të Astrit Avdylit, kreu të bandës kriminale të Shijakut, në seancën e parë gjyqësore në Krimet e Rënda.

Në vijim të dëshmisë së tij, Avdyli është shprehur hapur: “Vangjush Dakos i kam shërbyer. Besoj në programin e tij dhe të PS-së. Me herët i kam shërbyer Berishës dhe Agron Dukës. Por tani kam ndryshuar kah politik. Kam qenë i persekutuar, kam bërë burg politik”, tha ai.

Deklarata e tij u bë në seancën gjyqësore që po monitohet nga ekspertë amerikënë dhe gjermanë të antikrimit.

Ajo vjen si një pohim i fortë i lidhjeve të kryebashkiakut të Durrësit Vangjush Dakos me bandat për të rrëmbyer vota gjatë zgjedhjeve dhe në një kohë kur, opozita ka denoncuar faktin se prokuroria i ka të gjtiha provat e këtij bashkëpunimi kriminal në dosjen 339, por nuk ndërmerr asnjë hap ndaj Dakos për krimin elektoral.