Kryeministri Conte merr vendimin tjetër drastik: E gjithë Italia shpallet “zonë e kuqe”.

Qeveria italiane ka marrë një tjetër masë drastike, për të luftuar virusin vdekjeprurës, duke e shpallur të gjithë Italinë “zonë të kuqe”.

Në një deklaratë për mediat, kryeministri italian, Giuseppe Conte, tha se masat kufizuese do të shtrihen në të gjithë vendin.

Numri i të infektuarve dhe viktimave nga virusi po rritet me shpejtësi tha Conte, ndërsa bëri thirrje që të gjithë të ndryshojnë zakonet e tyre dhe të kufizojnë udhëtimet.

“Ne kemi miratuar një vendim të ri bazuar në një supozim: nuk ka kohë. Numrat na tregojnë se ne kemi një rritje të rëndësishme të infeksioneve, të personave të shtruar në kujdes intensiv dhe nën-intensiv dhe fatkeqësisht, edhe të personave të vdekur. Zakonet tona duhet të ndryshojnë. Ata duhet të ndryshojnë tani. Vendosa të marr masa edhe më të rrepta menjëherë, më të forta . Masa është ajo që pritet dhe tani konsiderohet e pashmangshme: Jam gati të nënshkruaj një masë që mund ta përmbledhim si ‘Unë qëndroj në shtëpi ‘ .Nuk do të ketë më një zonë të kuqe në gadishull. Italia do të jetë e gjitha një zonë e mbrojtur“, u shpreh ai.