Kukan: Mbështes plotësisht Shqipërinë dhe Maqedoninë në këtë proces!

Shqipëria dhe Maqedonia e Veriut presin që qershorin e vitit të ardhshëm të hapin negociatat me Bashkimin Evropian.
Ky ishte vendimi i djeshëm i ministrave të Jashtëm, ndërsa sot përshëndetet edhe nga eurodeputeti Eduard Kukan.

Ai shprehet se të dy vendet meritojnë një mesazh të qartë për e negociatave të pranimit.

“Përshëndes konkluzionet e djeshme të Këshillit të Çështjeve të Përgjithshme për hapjen e rrugës për negociatat e pranimit me Shqipërinë dhe Maqedoninë. Dua të përgëzoj të dy vendet për përparimin e bërë në axhendën e integrimit në BE. Ato meritojnë një mesazh të qartë për fillimin e negociatave të pranimit.

Një vit u është dhënë vendeve të vijnë në tryezën e negociatave, që pasqyron diskutimin e brendshëm të Këshillit mbi procesin e zgjerimit të BE. Unë mbështes plotësisht Shqipërinë dhe Maqedoninë në këtë proces dhe i besoj angazhimit të tyre në axhendën e reformave.

Pres që të punoj me partnerët tanë gjatë muajve të ardhshëm dhe jam gati të eci me ta në rrugën drejt negociatave të pranimit “, shprehet Kukan.