Kukës/ Probleme me energjinë nga moti i keq

Gjatë natës së mbrëmshme Kukësi është përfshirë moti i keq.

Stuhia e shiut shoqëruar me era të forta i ka lënë vendin borës në lartësit 650 metra mbi nivelin e detit.

Reshjet e borës kanë përfshirë njësitë administrative si Kalisë, Arrën, Surroj, Bushtricë, Gryk-Çajë, Ujmishtë, Topojan, Shishtavec e Borje. Trashësia e borës në këto zona nuk i ka kaluar 10 cm duke mos sjell probleme në qarkullimin e mjeteve apo izolim të fshatrave.

Ndërkohë reshjet e shiut gjatë natës kanë sjell rënje të gurëve në disa segmente rrugore rurale dhe nacionale, si ato Kukës-Bushtricë, Kukës-Çaf Mali apo Kukës-Shishtavec pa shkaktuar bllokim të rrugëve.

Sa i takon furnizimit të popullsisë me energji elektrike ka patur probleme të ndërprerjes herë pas here në disa zona malore por edhe në rrethinat e qytetit të Kukësit.