Kush do jetë ‘treshja fantastike’ e opinionistëve të ‘Ferma VIP 3’

Formati televiziv “Ferma VIP” ka zbuluar zyrtarisht panelin e opinionistëve për sezonin e tretë, duke sjellë kombinim emrash të njohur të ekranit shqiptar.

Në panel do të jenë Armina Mevlani, Einxhel Shkira dhe Ermal Mamaqi, të cilët do të komentojnë zhvillimet, debatet dhe dinamikat e spektaklit.

Armina Mevlani vijon këtë rol edhe këtë sezon, duke qenë tashmë një figurë e njohur për publikun e formatit. Ndërkohë, për Ermal Mamaqin kjo është hera e parë që bëhet pjesë e “Ferma VIP”, ndërsa Einxhel Shkira rikthehet në ekran në cilësinë e opinionistes.

Sezoni i ri do të drejtohet nga Arbana Osmani, e cila rikthehet në një projekt të ri televiziv, pas eksperiencës së saj me Big Brother VIP.

Në prapaskenë, produksioni i këtij edicioni do të drejtohet nga Eduart Grishaj, i cili do të mbajë rolin e regjisorit të programit.