Kushte “apokaliptike në Gaza: Radhë për bukë…

Të uritur, duke u shtyrë me njëri-tjetrin dhe duke kapërcyer gardhet rrethues, kjo është panorama e qindra njerzve në qytetin qendror të Gazës, të cilët po tentojnë të marrin ushqime.

E gjithë ngjarja është regjistruar në magazinat e grumbullimit të ushqimeve nga vullnetarët, që Organizata e Kombeve të Bashkuara ka ngritur në veri të Gazës. Në këtë zonë prej fillimit të luftës janë zhvendosur më shumë se 1.5 milion njerëz, të cilët kanë braktisur vendbanimet e tyre për t’i shpëtuar luftës.

Gjendja e njerëzve në Gaza është alarmante! Shumë fëmijë përveç tmerrit të shkaktuar nga zhurmat e aeroplanëve dhe bombardimeve, duhet të përballojnë dhe mbijetesën në kushtet e mungesës së ushqimit të mjaftueshëm. Uji mungon gjithashtu, dhe familjet janë detyruar të përdorin ujin e detit për t’u larë dhe kryer nevojat njerëzore.

Gjakderdhja e përditshme, shkatërrimi i spitaleve dhe njerzit që flenë nëpër tenda janë vetëm pak nga realiteti i përditshëm i luftimeve mes Izraelit dhe Palestinës të cilat kanë nisur që prej 7 tetorit të këtij viti. Vetëm gjatë 3 ditëve të fundit luftimet janë intensifikuar, teksa në total numërohen rreth 17 mijë viktima dhe të plagosur.

Luftimet në Gaza kanë shkaktuar debate dhe në OKB, të cilët synojnë arritjen e armëpushimit. Një ditë më parë shefi i OKB-së për të drejtat e njeriut Volker Turk i përshkroi kushtet në Gaza si “apokaliptike”.