Labinot Rexha ka fëmijë me një serbe? Gruaja zbulon të vërtetën

Fotografia që qarkulloi në rrjet ditët e fundit ka shkaktuar një valë spekulimesh rreth banorit të “Big Brother VIP Kosova 4”, Labinot Rexha, duke lënë të kuptohet se ai mund të kishte një fëmijë jashtë martese.

Publikimi i imazhit u shoqërua me reagime të shumta dhe komente të cilat ushqyen thashethemet për jetën e tij private.

Për të sqaruar gjithçka, bashkëshortja e tij, Laureta Hoxha, u paraqit sot në emisionin “Kosova Today” në Klan Kosova. Ajo i hodhi poshtë kategorikisht pretendimet, duke shpjeguar se gjithçka ka nisur nga një ngatërrim i thjeshtë mbiemri.

Sipas saj, fëmija që shihet në fotografi nuk ka asnjë lidhje me Labinotin. “Ky fëmijë s’ka të bëjë fare me Labinotin. E vetmja gjë që ka bërë, është se ka tentuar të kontaktojë babain e fëmijës për ta ndihmuar. Nëna e fëmijës nuk ka arritur të lidhet me prindin e vërtetë dhe, për shkak se kanë të njëjtin mbiemër ‘Rexha’, e ka gjetur Labinotin gabimisht”, tha ajo.

Laureta shtoi se babai biologjik i fëmijës është një i afërm nga Rahoveci me po të njëjtin mbiemër, duke mbyllur çdo mundësi tjetër lidhjeje me banorin e BBVK.

Deklarata erdhi pas ditësh të tëra diskutimesh në rrjet, ku shumë përdorues e lidhën gabimisht Labinotin me fëmijën, duke krijuar tensione në komunitetin e ndjekësve të reality show-t.

Ndërkohë, publiku mbetet në pritje të reagimeve të tjera brenda shtëpisë së famshme, ndërsa Laureta ka zgjedhur ta sqarojë plotësisht situatën për të shmangur keqkuptimet.