Lali Eri thyen heshtjen zgjedhore duke shpërndarë fletushka elektorale

Kjo e shtunë, ligjërisht quhet ditë e heshtjes zgjedhore pasi na ndajnë vetëm pak orë nga zgjedhjet e përgjithshme parlamentare, ku qytetarët me votë do të japin verdiktin përfundimtar në lidhje me atë çfarë do të ndodhë në 4 vitet e ardhshme.

Ndonëse ligjërisht sot quhet heshje zgjedhore, Erion Veliaj, kryebashkiaku i Tiranës e ka shkelur hapur këtë ligj, duke bërë edhe sot propagandë për votën ndaj Edi Ramës.

Derë më derë, ditën e sotme të rinj të FRESSH, kanë shpërndarë letrën e Erion Veliajt për qytetarët e Tiranës derë më derë.

Në këtë letër, Veliaj përeçse rendit punët e bëra nga ai në Tiranë, bën thirrje që të votohet Edi Rama që të bëhen te tjera punë në kryeqytet.

Kjo është një shkelje e hapur e ligjit. Megjithëse këtë aksion Veliaj e nisi dje, sot duhej ta ndërpriste absolutisht dhe të respektonte heshtjen zgjedhore në vend.

Freshistët më shumë se kurrë sot kanë dalë në kryeqytet, i keni kudo, madje edhe pas portës suaj me një lutje të lali Eri për të votuar Edi Ramën.