I puth duart Luiza Gegës në ceremoninë e pritjes në Bulqizë

Kryebashkiaku i Bulqizës Lefter Alla ka ‘kopjuar’ kryeministrin Edi Rama duke i puthur duart kampiones së Europës Luiza Gega gjatë pritjes së zhvilluar ditën e sotme.

Alla ka qenë mes zyrtarëve lokalë që kanë pritur Gegën në nisje të ceremonisë dhe gjatë përshëndetjes me të i ka puthur duart atletes.

Të njëjtin gjest bëri pak ditë më parë edhe kryeministri Edi Rama gjatë ceremonisë së zhvilluar në bulevardin “Dëshmorët e Kombit” menjëherë pas pritjes zyrtare në aeroportin e Rinasit.

Gjatë ceremonisë, Luiza Gega u vlerësua me titullin “Qytetare Nderi e Bulqizës”.

Të pranishmit e vlerësuan kampionen shqiptare si një nga emrat më të rëndësishëm të sportit të dalë nga Bulqiza, dhe si një burim frymëzimi për shumë të rinj e të reja që dëshirojnë të arrijnë majat e suksesit.