Një tërmet me magnitudë 3.8 ballë është regjistruar në orët e para të mëngjesit të sotëm, duke u ndjerë qartë në disa zona të Shqipërisë së Mesme. Lëkundjet, ndonëse të shkurtra në kohëzgjatje, kanë qenë të mjaftueshme për të shkaktuar shqetësim te banorët.
Sipas informacioneve paraprake, epiqendra është lokalizuar në hapësirën ndërmjet Lushnjës dhe Elbasanit, rreth 10 kilometra në distancë nga Lushnja dhe afërsisht 28 kilometra larg Elbasanit.
Banorët raportojnë se lëkundjet kanë zgjatur disa sekonda dhe janë ndjerë mjaftueshëm fort për të krijuar panik të momentit, megjithatë deri tani nuk ka të dhëna për dëme materiale apo persona të lënduar.
Autoritetet vijojnë monitorimin e situatës, ndërsa theksohet se lëkundje të tilla janë të zakonshme për rajonin dhe nuk përbëjnë rrezik të menjëhershëm.
