Lezhë, nxënësi godet me karrike mësuesen

Ngjarja ka ndodhur paraditen e sotme në shkollën e mesime “Hydajet Lezha”.

Mësuesja është dërguar me ambulancë në spital, pasi ka dëmtime në krah, ndersa adoleshenti është shoqëruar në polici për të dhënë sqarime për ngjarjen.

Është e paqarte perse nxënësi ka goditur mësuesen me karrige dhe policia po punon për zbardhjen e plote te kësaj ngjarje.

Ndërkohë mësimi ditën e sotme është bojkotuar nga mësuesit për shkak te kësaj ngjarje te rende, ndërsa ditën e nesërme pritet qe te zhvillohet një proteste nga mësuesit lidhur me këtë situatë të vështirë nga sjellja e nxënësve.

NJOFTIMI ZYRTAR

Paraditen e sotme, në ambientet e gjimnazit “Hydajet Lezha”, një 16-vjeçar, nxënës i këtij gjimnazi, ka goditur me send të fortë (karrige), mësuesen në këtë gjimnaz, shtetasen M. P., e cila po merr asistencë mjekësore, në spital.

16-vjeçari është shoqëruar menjëherë në ambientet e Policisë, për kryerjen e veprimeve të mëtejshme procedurale.

Grupi hetimor vijon punën për sqarimin e rrethanave të ngjarjes.