“Llatja në garë me patronazhistët për të marrë pikë për postimet e Ramës”/ Denoncon PD

“Platforma “Aktivisti” një platformë ku patronazhistët janë në garë me Gledian Llatjan, kreun e Bashkisë së Elbasanit, për të marrë sa më shumë pikë nga postimet e Ramës”.

Denoncimi ka ardhur nga dega e PD-së, Elbasan.

Me anë të një postimi në rrjete sociale, ata shkruajnë se Llatja do të mbahet mend si njeriu që i shkaktoi regresionin më të madh këtij qyteti.

“Njeriu që kishte fatin të drejtonte Bashkinë Elbasan për 4 vite për shkak se iu fal gara pa rival, do të mbahet mend si njeriu që i shkaktoi regresin më të madh qytetit! Në listën e Patronazhistëve të rrjeteve sociale, Llatja në largim shfaqet edhe vetë në garë për të pëlqyer dhe shpërndarë postimet e shefit.

Turp! Turp! Turp!”, shkruhet në rrjetin social të degës së PD-së, Elbasan.