Makina me katër turistë çekë përfundon në greminë

Një aksident ka ndodhur pasditen e sotme në zonën e Kelmendit. Një automjet ka rënë në një greminë në rrugën e Vuklit.

Brenda automjetit udhëtonin katër turistë çekë. Fatmirësisht ata kanë shpëtuar për mrekulli teksa raportohet vetëm për dëme materiale.

Kanë qenë banorët ata të cilët kanë ndihmuar turistët. Policia është nisur drejt vendngjarjes për të zbardhur shkaqet e aksidentit.