Maratonomaku i njohur shqiptar humb bashkëshorten nga Covid, mesazhi prekës: Gjysma ime më e mirë u largua sot nga unë përgjithmonë

Lajmin e ka bërë me dije me anë të një postimi në rrjetet sociale vetë Qiriaqi, i cili shkruan se ajo nuk arriti ta fitonte betejën me Covid.

“Lori gjysma ime më e mirë u largua sot nga unë përgjithmonë, mbas një beteje me COVID. Nuk rezistoi dhe u nda nga jeta, nga unë, nga të dashurit dhe miqtë tanë”, shkruan ai.

Sotiri me bashkëshorten e tij ishin të pandashëm, por fatkeqësisht kjo sëmundje i ndau ata. Reagimet kanë qenë të shumtë nga të afërmit dhe miqtë, te cilët i shprehin ngushëllime Qiriaqit.