Mashtronte në “Instagram”/ 24-vjeçari ofronte kontrata pune false në Angli

Një 24-vjeçar ka rënë në pranga për mashtrimin e qytetarëve në rrjetin social “Instagram”.

Konkretisht është arrestuar i riu me iniciale A. Ç., me banim në Korçë.

Ai u denoncua nga një emision investigativ, pasi ishte zbuluar skema e tij.

24-vjeçari mashtronte qytetarët, kundrejt pagesave, me kontrata pune false, në emër të kompanive angleze fiktive. Pasi merrte paratë, ai ndërpriste komunikimet, pa ofruar shërbimin për të cilin ishte paguar.

Policia është vënë në lëvizje dhe ka kapur të riun, i cili akuzohet për veprat penale “Mashtrimi”, kryer më shumë se një herë, “Falsifikimi i dokumenteve” dhe “Fshehja e të ardhurave”